ბრაზილიაში ახალმა სკანდალმა იფეთქა, რომელიც ბულვარული პრესის ხშირ სტუმარს, ბრაზილიის ნაკრების ექსფორვარდს, ადრიანოს ეხება. აღმოჩნდა, რომ ადრიანოს მეგობარი გოგო, ლუანა კისნერი, რომელსაც ფეხბურთელის საცოლეობამდე სულ ცოტა აკლდა, ელიტური მეძავი ყოფილა. „კორინთიანსის” თავდამსხმელმა შემთხვევით თავისი რჩეულის  ელექტრონული ფოსტა გახსნა, სადაც ლუანას და თავის „სუტენიორს” შორის მიმდინარე მიმოწერა აღმოაჩინა. გაირკვა, რომ ლუანა მაღალანაზღაურებად მეძავად ითვლება ბრაზილიაში და მომსახურების ორ საათში გასამრჯელოს სახით 1 300 ევროს იღებს, ხოლო მთელი ღამის სერვისი 2 000 ევრო ღირს.