მას შემდეგ, რაც ინგლისის სარაგბო ნაკრებმა ახალ ზელანდიაში მიმდინარე მსოფლიოს თასზე საფრანგეთის ნაკრებთან მარცხით დაასრულა გამოსვლა, ნაკრების ზოგიერთმა წევრმა მსოფლიოსთვის საკუთარი სახელის გაცნობა სხვა სფეროში სცადა. მაგალითად, მანუ ტუილაგა ოკლენდის ტერმინალთან ახლოს მდებარე საზღვაო ბორნიდან გადახტა და სასწაულებრივად გადაურჩა სიკვდილს. „სანის” ცნობით, მორაგბეები ბორანზე სეირნობდნენ, მანამდე კი ერთ-ერთ ბარში მოილხინეს და არაფხიზელ მდგომარეობაში მყოფმა ტუილაგამ გადაწყვიტა, თავი გაეგრილებინა. წყლიდან ამოყვანის შემდეგ, 20 წლის სპორტსმენი ჯერ პოლიციის განყოფილებაში გადაიყვანეს, შემდეგ კი სამწვრთნელო შტაბს ჩააბარეს. ინგლისის რაგბის ასოციაციამ ტუილაგა 3 ათასი ფუნტი სტერლინგით დააჯარიმა.