ცოტა ხნის წინ ქართველი მომღერლები: თიკა მახალდიანი, ანრი ჯოხაძე, დათუნა მგელაძე, სოფო გელოვანი, თემო საჯაია, ვერიკო ტურაშვილი, აჩიკო ნიჟარაძე, ნინი შერმადინი, სალომე კორკოტაშვილი და ლაშა რამიშვილი ერევანში გაემგზავრნენ, სადაც მუსიკალურ კონკურსში მიიღებენ მონაწილეობას. მიუხედავად იმისა, რომ მათ საკმაოდ დატვირთული გრაფიკი აქვთ, მაინც ახერხებენ დასვენებასა და გართობას. თითქმის ყოველდღე ისინი სომეხ მომღერლებთან ერთად წერენ დუეტებს, რაც ოქტომბრიდან სამი თვის განმავლობაში გავა „პირველი არხის“ ეთერში. საფინალო შოუ 27 სექტემბერს გაიმართება, სადაც ქართველი და სომეხი მომღერლები ერთად იმღერებენ. მუსიკალურ საღამოზე ასევე იმღერებს მოწვეული სტუმარი, მომღერალი შარლ აზნავური, როდესაც მომღერლები საქართველოში ჩამოვლენ, ამ პროექტის შესახებ უფრო დაწვრილებით გიამბობთ.