ვიქტორიამ ბერიკაციც გადარია
„მანჩესტერ იუნაითედის” კაპიტანი რიო ფერდინანდი პარალელურად მამაკაცების ჟურნალს უშვებს და ყდაზე ყოველთვის ლამაზი ქალი ჰყავს. ამჯერად, მან ყდისთვის ვიქტორია მური შეარჩია და როგორც თავად განაცხადა, ათიანში მოარტყა.
„როგორც წესი, ჩემს ჟურნალს ძირითადად ახალგაზრდები ყიდულობენ და ზუსტად ვიცი, რომ ჩემი მწვრთნელი, სერ ალექს ფერგიუსონი მისით არასდროს დაინტერესებულა. აი, ვიქტორიას ფოტომ კი გაამართლა და ბერიკაციც კი გადარია. სერ ალექსმა ჟურნალი შემთხვევით ნახა და, როგორც კი ყდას დახედა, მაშინვე ხელში აიღო და დაათვალიერა. სახეზე ისეთი კმაყოფილება ეხატა, ვიკას მშვენიერებაში კიდევ ერთხელ დავრწმუნდი“, – განაცხადა ფერდინანდმა.
ცნობისთვის: ფერგიუსონი 31 დეკემბერს 68 წლის გახდება.