კრივში ყოფილმა მსოფლიოს ჩემპიონმა რამდენიმე წონით კატეგორიაში, ოსკარ დე ლა ჰოიამ, სულ ახლახან სარეაბილიტაციო ცენტრი დატოვა, სადაც ნარკოტიკების ზემოქმედებისგან მკურნალობის კურსს გადიოდა, რამაც შოკში ჩააგდო მისი თაყვანისმცემლები. ამასთან ერთად, დე ლა ჰოიამ კიდევ ერთი შოკის მომგვრელი აღიარება გააკეთა: მისი თქმით, ნარკოტიკული და ალკოჰოლური ზემოქმედების ქვეშ ყოფნის დროს, იგი ხშირად იცვამდა ქალის ტანსაცმელს და ფოტოებს იღებდა. აღნიშნული ფოტოები ინტერნეტის საშუალებით გავრცელდა. არსებობდა ვერსია, რომ ადგილი ფოტომონტაჟს ჰქონდა, თუმცა, საბოლოოდ, ფოტოების სინამდვილე თავად დე ლა ჰოიამ დაადასტურა.