ისლანდიელ თავდამსხმელს, ჰარდერ გუნლაუგსონს, სამშობლოში ერთ-ერთ ყველაზე წარუმატებელ ფეხბურთელად მიიჩნევენ. ფორვარდმა ადგილის დამკვიდრება ვერც ერთ კლუბში ვერ მოახერხა. საშუალო დონის სოფიის „ცსკა”, ავსტრიული „ლასკი”, გერმანიის მესამე ბუნდესლიგის კლუბი „უნტერჰაჰინგი” და სხვა მეტ-ნაკლებად ცნობილი კლუბები გუნლაუგსონის თამაშით უკმაყოფილონი დარჩნენ, რის შემდეგაც ამჟამად ფეხბურთელი თავისუფალი აგენტია და, რაოდენ სასაცილოდაც უნდა ჟღერდეს ეს ფაქტი, მის დასაქმებას რომელიმე კლუბში, მისივე მეუღლე, საფეხბურთო აგენტის ლიცენზიის მქონე მოდელი, ასდის რანი ცდილობს, რომელიც ევროპაში ერთ-ერთ ყველაზე სექსუალურ ქალად ითვლება. ჯერჯერობით აგენტობა ასდისს არცთუ კარგად გამოსდის, თუმცა, ის ფაქტი, რომ იგი მეუღლესთან ერთად დადის კლუბების ხელმძღვანელებთან მოლაპარაკებებზე, საინტერესოა.