მსოფლიო ფეხბურთის მმართველმა ორგანიზაცია „ფიფამ” სირიის ეროვნული ნაკრები 2014 წლის მსოფლიოს ჩემპიონატის შესარჩევი ეტაპიდან მოკვეთა. ტაჯიკეთის ფეხბურთის ფედერაციის ცნობით, სირიელებმა ნაკრების რიგებში ნატურალიზებულ ფეხბურთელს, ჟორჟ მურადას მისცეს თამაშის საშუალება, რაც „ფიფას” წესდების უხეში დარღვევაა – მურადას მანამდე, შვედეთის ნაკრების რიგებში ჰქონდა ჩატარებული ორი ოფიციალური მატჩი. თუკი, ფეხბურთელს ერთი ქვეყნის ნაკრებში აქვს ნათამაშები, მას არ აქვს უფლება სხვა ქვეყნის ნაკრებში ითამაშოს და სწორედ ამ წესის დაუცველობის გამო დაისაჯა სირიის ნაკრები. „ფიფამ” სპეციალური განმარტება გააკეთა, რომ მათ გადაწყვეტილებას არანაირი პოლიტიკური სარჩული არ აქვს. ქვეყნის შიგნით მიმდინარე არეულობა „ფიფას” საქმე არაა.