ესპანეთის დედაქალაქი მადრიდი 2020 წლის ზაფხულის ოლიმპიადის მასპინძლობისთვის ბრძოლაში ჩაერთო. კამპანიის დაწყების შესახებ დედაქალაქის მერმა, ალბერტო რუის გალიარდონმა განაცხადა და ეს იქნება მადრიდის მესამე მცდელობა ოლიმპიადის მასპინძლობის მიღებასთან დაკავშირებით. მანამდე, 2012 წლის ოლიმპიადა მადრიდმა ლონდონს დაუთმო, ხოლო 2016 წლისა – რიო-დე-ჟანეიროს. მადრიდის გარდა ოლიმპიადის მასპინძლობის სურვილი რომმა, სტამბულმა, დოჰამ, დურბანმა და ტოკიომ გამოთქვეს. 2020 წლის ოლიმპიადის მასპინძელი ქალაქის ვინაობა 2013 წელს გახდება ცნობილი.