კითხვა: რომელი ვიტამინებია საჭირო თმისთვის, რომ ის მუდამ ბზინავდეს და რომელ პროდუქტებში შედის ეს ვიტამინები?
პასუხი: თმა რომ მუდამ გიბზინავდეთ, სასურველია, დაიბანოთ გვირილის ნახარშით და გადაივლოთ წყალში გაზავებული ძმარი, პროპორციით 1:1. რაც შეეხება ვიტამინებს, თმის ბზინვარებისა და, საერთოდ, მისი ხარისხის გასაუმჯობესებლად, საჭიროა A, B და C ჯგუფის ვიტამინები. გარდა იმისა, რომ აუცილებელია, ხშირად მიირთვათ ამ ვიტამინების შემცველი პროდუქტები (A – საქონლის ღვიძლი, სტაფილო, პომიდორი, კარაქი, B – ლობიო, საქონლისა და ღორის ღვიძლი, სოია, საფუარი, C – ციტრუსები, ბოსტნეული, ხილი, ასკილი). კვირაში ორჯერ გაიკეთეთ თმაზე ცოცხალი ნიღბები და გვირილის ნახარშით ჩამოიბანეთ.
კითხვა: მართალია თუ არა, რომ დილაობით თვალების შეშუპების მიზეზი, შესაძლოა, კრემების ბრალი იყოს?
პასუხი: მართალია, თუ თუნდაც ყველაზე ნაზ მკვებავს უშუალოდ ძილის წინ წაისვამთ. დილით თვალები რომ არ შეგიშუპდეთ, ღამის მკვებავი აუცილებლად დაძინებამდე 2 საათით ადრე უნდა წაისვათ. ამ ორი საათის განმავლობაში კანი მთლიანად შეიწოვს მას და აღარ შეშუპდება.
კითხვა: ხშირად მეყოფა თმის ბოლოები. ძირითადად ვიჭრი ხოლმე, რადგან, არ მინდა, ქიმიური პრეპარატების გამოყენება. მაინტერესებს, თუ არსებობს რაიმე შინაური რეცეპტი ამ პრობლემის მოსაგვარებლად?
პასუხი: აფთიაქში იყიდეთ ილანგ-ილანგის ზეთი, ბიოპროდუქტების მაღაზიაში – ზეითუნის ზეთი და მოამზადეთ ნიღაბი ეგრეთ წოდებული „ბოლოჭამიებისთვის“: შეათბეთ 1 სადილის კოვზი ზეითუნის ზეთი, ჩაუმატეთ 5 წვეთი ილანგ-ილანგი და ეს ნარევი შეიზილეთ თმაში (სასურველია, თმის მთელ სიგრძეზე, მაგრამ განსაკუთრებით – ბოლოებში). 10-15 წუთის შემდეგ ჩამოიბანეთ ათქვეფილი კვერცხის გულით.