„კიოლნის” ფორვარდმა და ბოლო პერიოდის გერმანიის ნაკრების ერთ-ერთმა სუაკეთესო ფეხბურთელმა ლუკაშ პოდოლსკიმ, როგორც იქნა, ჯვარი დაიწერა თავის დიდი ხნის პარტნიორსა და ერთადერთი ვაჟის დედაზე – მონიკა პუჰალსკიზე. ჯვრისწერის ცერემონია  პოდოლსკის ისტორიულ სამშობლოში, პოლონეთში, ვარშავიდან 70 კილომეტრის დაშორებით შედგა. სტუმრების რაოდენობა 150-ს შეადგენდა. ზუსტად იგივე დროს, მხოლოდ რამდენიმე ასეული კილომეტრის დაშორებით, მონაკოში, თავის ურთიერთობას ოფიციალური სახე კიდევ ერთმა მრისხანე ფორვარდმა, კოტდივუარელმა დიდიე დროგბამ მისცა. მანაც თავის დიდი ხნის მეგობარ ქალზე, სამი შვილის დედაზე – ლალე დიაკატეზე იქორწინა. საქორწინო ცერემონია მონაკოს ერთ-ერთ რესტორანში გაიმართა და სტუმრების სტატუსით მას რომან აბრამოვიჩი, მომღერალი ეიქონი და NBA-ის ვარსკვლავები დაესწრნენ.