„ფორმულა ერთის” მოქმედი ჩემპიონი და 2011 წლის სეზონის ამჟამინდელი ლიდერი საერთო ჩათვლაში, სებასტიან ფეტელი, კანადის გრანპრის დამთავრების შემდეგ, ნიუ-იორკში გაემგზავრა. იქ ადგილობრივ კლუბ „ნიუ-იორკ რედ ბულზში” ვარჯიშს დაესწრო. „რედ ბულზში” ფეტელის ძველი ნაცნობი ფრანგი ვარსკვლავი – ტიერი ანრი თამაშობს და პილოტის ვიზიტი, სწორედ მასთან შეხვედრას და გუნდთან ერთად ვარჯიშს ეხებოდა. „ფორმულა ერთის” ვარსკვლავის თქმით, მისთვის სასიამოვნოა, რომ ისეთ დიდი ფეხბურთელთან ერთად ივარჯიშა საფეხბურთო მოედანზე როგორიც ტიერი ანრია. შემდეგ კი მეგობარს თავისი სარბოლო კომბინეზონი გადასცა საჩუქრად. უსაჩუქროდ არც ფეტელი დარჩა, და ანრიმ თავის მხრივ საკუთარი მაისური ავტოგრაფითურთ გადასცა სახსოვრად.