დევიდ ბექჰემმა განაცხადა, რომ ოცნებობს დიდი ბრიტანეთის ნაკრებში მოხვედრას, რათა ლონდონის 2012 წლის ზაფხულის ოლიმპიადაში მიიღოს მონაწილეობა. ფეხბურთელის თქმით, იგი მზად არის სამშობლოს მხოლოდ მოთამაშის ამპლუაში ემსახუროს და არა როგორც მწვრთნელმა. ბექჰემი, რომელიც ერთ წელიწადში 37 წლის შესრულდება, ჯერ არ აპირებს ბუცების ლურსმანზე ჩამოკიდებას და პრეტენზიას ინგლისის ნაკრებში მოხვედრაზეც აცხადებს. თუმცა, ფაბიო კაპელო ჯიუტად აღარ იწვევს მას გუნდში. „ლოს-ანჯელეს გელექსისთან” გაფორმებული კონტრაქტი 2012 წელს იწურება და ამბობენ, რომ კარიერის დასრულებას დევიდ ბექჰემი ევროპაში მოისურვებს. თუმცა, კლუბის ვინაობა ჯერაც დაუდგენელია.