მადამ ტიუსოს მუზეუმის ახალი ექსპონატები
ლონდონისა და ბლექპულის მადამ ტიუსოს ცვილის ფიგურების მუზეუმებში ახლო მომავალში ახალი ექსპონატების გამოჩენას ელიან. საუბარია ბრიტანელი მძლეოსანის – ჯესიკა ენისისა და ინგლისელი ფეხბურთელის – ალან შირერის ცვილის ასლებზე. ენისის ცვილის ასლი მუზეუმში 4 თვეში გამოჩნდება და მისი დამზადება 150 ათასი ფუნტი სტერლინგი დაჯდება. შირერის ცვილის ფიგურა კი უკვე მზად არის და ახლო მომავალში იხილავენ მას მუზეუმის დამთვალიერებლები. აღსანიშნავია, რომ შირერმა უკვე ნახა თავისი ცვილის ასლი და განაცხადა, რომ მსგავსებისგან შოკირებულია. შირერის ცვილის ფიგურა დევიდ ბექჰემისა და უეინ რუნის ცვილის ფიგურების გვერდით დაიდგმება.