ის ფაქტი, რომ ბრაზილიელი რონალდო კინოკარიერის დაწყებას გეგმავდა, არავისთვის საიდუმლო არ იყო. სულ ახლახან დაიწყო მხატვრული ფილმის „ღია გზის” გადაღება, რომელშიც ახალდასრულებული კარიერის შემდეგ, რონალდო ერთ-ერთ ეპიზოდურ როლს შეასრულებს. ფილმში მის გარდა, ენდი გარსია, ჟულიეტ ლუისი და კამილა ბელი მონაწილეობენ.  ამბობენ, მექალთანის სახელით ცნობილმა მსოფლიოს არაერთგზის საუკეთესო ფეხბურთელმა, თვალი მომხიბვლელ მსახიობს, კამილას დაადგა. ის არაერთი ინტერნეტ-გვერდისა და ბულვარული პრესის ვერსიით, ჰოლივუდის ერთ-ერთ ყველაზე სექსუალურ მსახიობადაა მიჩნეული. ჯერჯერობით უცნობია, თუ როგორ განვითარდება კამილასა და რონალდოს ურთიერთობა. თუმცა, ის, რომ რონალდოს გამოჩენა დიდ ეკრანზე მის თაყვანისმცემლებს გაახარებს, უდავოა.