ვიერის მორიგი „მსხვერპლი”
იტალიის ნაკრებისა და წამყვანი იტალიური კლუბების ექსფორვარდი – კრისტიან ვიერი ცნობილი მექალთანეა. ისევე როგორც კლუბებს, სეზონში ერთხელ მეგობარ ქალებსაც ხელთათმანებივით იცვლის. სულ ახლახან იგი თავის საყვარელს, მომხიბვლელ მელისა სატას დასცილდა და პაპარაცებმა უკვე დააფიქსირეს იტალიაში ცნობილ მოდელებთან – მარი კარბონესა და სარა ტომაზისთან ერთად. თუმცა, ვიერი მათთან ურთიერთობამ, როგორც ჩანს, არ დააკმაყოფილა და მსახიობ რაფაელა ცარდოსთან შეამჩნიეს. რაფაელას ერთ დროს „პარმას” ფეხბურთელ სტეფანო ბეტარინისაც ჰქონდა რომანი, თუმცა, ბოლო პერიოდი კენტად დაიარებოდა, სანამ ვიერისთან ერთად არ აღმოჩნდა იახტაზე.