„მანჩესტერ იუნაიტედის” ლეგენდარული ვარსკვლავი, რაიან გიგზი სექსუალურ სკანდალში გაეხვია. ბრიტანელ ფეხბურთელებში სამაგალითო მეოჯახის სახელით ცნობილ გიგზს რომანი ჰქონია ინგლისში პოპულარულ რეალითი-შოუს „დიდი ძმის” ვარსკვლავთან, იმოგენ ტომასთან. ბრიტანული ბულვარული პრესა საქმის კურსში იყო, რომ იმოგენს რომანი ჰქონდა ცნობილ ფეხბურთელთან, თუმცა ქალის სახელი არ ხმაურდებოდა, რადგან სასამართლო დადგენილებით, დაკმაყოფილდა გიგზის მოთხოვნა მისი სახელის გაუხმაურებლობაზე. თუმცა, ინფორმაციამ მაინც გაჟონა და „ტვიტერის” საშუალებით ცნობილი გახდა, რომ ტომასი 6 თვის განმავლობაში გიგზს სასტუმროში ხვდებოდა. აღსანიშნავია, რომ გიგზის საყვარლის ვინაობა მას შემდეგ გამჟღავნდა, რაც ფეხბურთელმა მეუღლე სტისი კუკთან და შვილებთან ერთად, პრემიერლიგაში გამარჯვება იზეიმა.