მაკარონი ხორცის ფარშით

საჭირო ინგრედიენტები:

🔸 800 გრამი ან 1 კილოგრამი „ბუდე“ მაკარონი

🔸 500 გრამი საქონლის ხორცის ფარში

🔸 ნახევარი თავი ხახვი

🔸 1 კვერცხი

🔸 100 გრამი ჰოლანდიური რბილი ყველი

🔸 მარილი, შავი პილპილი – გემოვნებით.

სოუსი – 2 თავი ხახვი, 2 ცალი სტაფილო, 2 სადილის კოვზი ტომატ-პასტა, 3 სადილის კოვზი არაჟანი, 1 ჩაის კოვზი შაქარი, ზეთი.

მომზადების წესი 👩‍🍳

მოხარშეთ მაკარონი და გადაწურეთ, ისე რომ ბუდეები არ დაზიანდეს. ნახარში კი შეინახეთ, ფარშს შეურიეთ ხორცსაკეპში გატარებული ხახვი, კვერცხი, გახეხილი ყველი, უყავით მარილი, პილპილი და კარგად აურიეთ.

სოუსისთვის – ხახვი დაჭერით წვრილ კუბიკებად, სტაფილო გახეხეთ მსხვილკბილა სახეხზე და მოშუშეთ ცოტა ზეთში. შეურიეთ შაქარი, არაჟანი, ტომატ-პასტა, დაასხით 1 ლიტრი მაკარონის ნახარში, აურიეთ ძალიან კარგად და მიიყვანეთ ადუღებამდე.

ბუდეები ამოავსეთ ფარშით, ჩაალაგეთ გამოსაცხობ ფორმაში, მოასხით სოუსი, მოაყარეთ გახეხილი ყველი და გამოაცხვეთ 150 გრადუსზე 30 წუთის განმავლობაში.